dari Negri Naku
Negri kacil di Sirimau
Tagepe ewang deng aer masing biru
Jang biking beta bijiruku
Karna beta bukang panaku
Maar beta bukang jago palungku
Kalo cuma mo biking ale taparegu
Beta memang Maluku
badang pono sumanga alifuru
tali poro papeda deng sagu
Kalo beta balagu
bukang par biking ale takisu
Ale bae, beta sayang sampe babuku
Ale paricu, beta pilang deng tacu
Beta memang Maluku
tapi bukang generasi peluru
pengetahuan itu beta pung salawaku
cakalele mangkera maju
toma hidop jang nau-nau
hidop memang baku taru
sapa bahela, dapa kapadu
Beta memang Maluku
Yogyakarta, 25 April 2014
No comments:
Post a Comment